III MDB Oyunları: Azərbaycanın qızlardan ibarət sablya millisi gümüş medal qazanıb - YENİLƏNİB-2

Azərbaycanın qılıncoynatmanın sablya növü üzrə qızlardan ibarət birinci komandası III MDB Oyunlarında gümüş medal qazanıb.

"Report"un Gəncəyə ezam olunan əməkdaşı xəbər verir ki, yığma finalda Rusiya ilə üz-üzə gəlib.

Rəqibinə məğlub olan (35:45) komanda gümüş mükafatla kifayətlənib.

Azərbaycanın ikinci komandası isə yarımfinalda uduzaraq bürünc mükafata sahib çıxıb.

15:09

Azərbaycanın qılıncoynatmanın sablya növü üzrə qızlardan ibarət ikinci komandası III MDB Oyunlarında bürünc medal qazanıb.

"Report"un Gəncəyə ezam olunan əməkdaşı xəbər verir ki, yığma yarımfinalda Rusiyaya 18:45 hesabı ilə uduzub.

Azərbaycanın əsas komandası isə yarımfinalda Özbəkistana qalib gəlib - 45:37.

Əsas komanda finalda Rusiyaya rəqib olub.

14:13

Azərbaycanın qılıncoynatmanın sablya növü üzrə qızlardan ibarət ikinci komandası III MDB Oyunlarında yarımfinala vəsiqə qazanıb.

"Report"un Gəncəyə ezam olunan əməkdaşı xəbər verir k, yığma 1/4 finalda Belarusdan güclü olub - 45:42.

Komanda yarımfinalda Rusiya kollektivi ilə üz-üzə gələcək.