AMB: İstehlak kreditləşməsi pandemiyadan əvvəlki səviyyəni bərpa etməyib

Bu ilin yanvar-may aylarında Azərbaycanın bank sektorunun kredit portfeli 3,8%, o cümlədən biznes krediti portfeli 2,4% artıb.

“Report” xəbər verir ki, bu barədə Azərbaycan Mərkəzi Bankının (AMB) açıqlamasında bildirilir.

Məlumatda həmçinin deyilir ki, bu dövrdə tikinti və bir sıra əlaqəli real sektor sahələrində iqtisadi fəallığa dəstək verən ipoteka kreditləri 7,2% artıb. İstehlak tələbinin fəallaşması fonunda istehlak kreditləri 5,1% artsa da pandemiyadan əvvəlki səviyyəni bərpa etməyib.