UEFA Çempionlar Liqasında I tura 6 oyunla yekun vurulub

UEFA Çempionlar Liqasının əsas mərhələsində I tura 6 oyunla yekun vurulub.

"Report" xəbər verir ki, "Qarabağ"ın rəqiblərindən "Napoli" səfərdə "Mançester Siti"yə 0:2 hesabı ilə məğlub olub.

Ağdam təmsilçisinin digər rəqibi "Kopenhagen" evdə "Bayer 04" kollektivi ilə üz-üzə gəlib. Matçda qalib müəyyənləşməyib - 2:2.

Cari mövsüm qitənin ən nüfuzlu klub turnirində "köhlən atlar"la üz-üzə gələcək komandalardan "Ayntraxt" isə "Qalatasaray"ı 5:1 hesabı ilə üstələyib.

UEFA Çempionlar Liqası

Liqa mərhələsi

I tur

"Brügge" (Belçika) - "Monako" (Fransa) 4:1

"Kopenhagen" (Danimarka) - "Bayer 04" (Almaniya) 2:2

"Mançester Siti" (İngiltərə) - "Napoli" (İtaliya) 2:0

"Ayntraxt" (Frankfurt, Almaniya) - "Qalatasaray" (Türkiyə) 5:1

"Sportinq" (Portuqaliya) - "Kayrat" (Qazaxıstan) 4:1

"Nyukasl" (İngiltərə) - "Barselona" (İspaniya) 1:2