Gürcüstan-Azərbaycan dostluq qrupunun üzvlərinin sayı artırılacaq

Gürcüstan parlamentində Azərbaycanla dostluq qrupunun üzvlərinin sayı artırılır.

“Report”un yerli bürosu xəbər verir ki, bununla bağlı məsələ qanunverici orqanın Xarici əlaqələr komitəsində müzakirə olunub.

Sənəd layihəsinə əsasən, qrupa 37 deputat qoşulacaq və üzvlərin ümumi sayı 76-ya çatacaq.

Məsələ digər komitələrdə də nəzərdən keçiriləndən sonra oktyabr ayının əvvəlində parlamentin plenar iclasının müzakirəsinə çıxarılacaq.

Qeyd edək ki, hazırda dostluq qrupunda təmsil olunan deputatların sayı 39 nəfər təşkil edir. Qrupa parlament sədrinin müavini Arçil Talakvadze rəhbərlik edir.