Gürcüstanda çay daşqını olub, bir neçə kəndi su basıb

Gürcüstanın Telavi rayonunda Stori çayının məcrasından çıxması nəticəsində bir neçə kəndi su basıb.

“Report”un Gürcüstan bürosu xəbər verir ki, daşqın nəticəsində Leçuri, Pşaveli, Laliskuri, Babaneuri və Arqoxi kəndləri su altında qalıb.

Çayın daşması nəticəsində Tuşeti bölgəsinə aparan yolun müəyyən hissələrini də su basıb.

Təbii hadisə nəticəsində elektrik xəttlərinə və Leçuri kəndində tikilməkdə olan mehmanxanaya da ziyan dəyib.