Serbiya əhalisi 430 mindən çox azalıb

Serbiya əhalisi 2016-cı ildən bəri 430 mindən çox azalıb.

"Report"un Balkan bürosu xəbər verir ki, bu barədə Serbiyanın Statistika İdarəsi məlumat yayıb.

Bildirilib ki, 2016-cı ildən bəri ölkədə ölənlərin sayının doğulanların sayını xeyli üstələməsi səbəbindən əhali arasında 434 min 948 nəfər azalma var.

Statistika İdarəsinin məlumatına görə, 2025-ci ildə Serbiyanın əhalisi təxminən 6 milyon 549 min 901 nəfər təşkil edib:

"2025-ci ildə Serbiyada 59 min 483 diri körpə doğuşu qeydə alınıb, 95 min 247 isə ölüm halı baş verib".