Ermənistanda yük maşını və avtosisternin toqquşması nəticəsində mazut sızıntısı baş verib

Ermənistanın cənubunda yol-nəqliyyat hadisəsi baş verib - yük maşını ilə toqquşma nəticəsində 25 ton mazut daşıyan avtosistern aşıb.

"Report" xəbər verir ki, bu barədə Ermənistan KİV-ləri DİN-in Xilasetmə Xidmətinə istinadən məlumat yayıb.

"Qəza bu gün səhər saatlarında Sünikdə Tatev-Ltsen yolunda baş verib. İnsident nəticəsində 10 tona yaxın mazut sızıb", - qurumdan bildirilib.

Fövqəladə hallar üzrə xidmətlər sisterni düzəltməyə müvəffəq olub, sürücü isə xəstəxanaya çatdırılıb.