“Plato Capital and Co. İnvestisiya Şirkəti” birja üzvlüyündən çıxarılıb

"Bakı Fond Birjası" QSC-nin (BFB) Üzvlük Komissiyası “Plato Capital and Co. İnvestisiya Şirkəti” ASC-nin birja üzvlüyündən çıxarılması ilə bağlı qərar qəbul edib.

"Report" bu barədə BFB-yə istinadən xəbər verir.

Məlumata görə, bu qərar investisiya şirkətinin müraciəti əsasında qəbul edilib.

Xatırladaq ki, ötən il bu vaxt Üzvlük Komissiyası "Plato Capital and Co."nun müraciəti əsasında onun birja üzvlüyünü 1 il müddətinə dondurmuşdu.