Nizami rayonunda cinayətkar dəstə zərərsizləşdirilib

Bakı. 11 sentyabr. REPORT.AZ/ Bakının Nizami rayonunda cinayətkar dəstə zərərsizləşdirilib. Bu barədə Report-a Nizami rayon Polis İdarəsindən (RPİ) məlumat verilib. Nizami RPİ 24-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində quldurluq edən Cəlilabad rayon sakini Orxan Məmmədov, Ucar rayon sakini İsmayıl Hüseynov və Astara rayon sakini Şamxal Şahverdiyev tutulub.

İstintaq zamanı bu şəxslərin  sentyabrın 7-də vətəndaş Əlisahib Dünyamalıyev və Şamil Quliyevin 64 manatını, həmçinin mobil telefonunu quldurluq yolu ilə ələ keçirdikləri sübuta yetirilib. Cinayətkar dəstənin başqa qanunsuz əməllərinin müəyyən edilməsi istiqamətində əməliyyat tədbirləri davam etdirilir.