Bakıda beynəlxalq tədbirin keçirildiyi ərazidə radiasiyaya çirklənmə aşkarlanmayıb

Bakıda Universitetlərarası Proqramlaşdırma Müsabiqəsinin 49-cu Dünya Finalının keçirildiyi ərazidə radiasiya təhlükəsizliyi üzrə yoxlamalar aparılıb.

Bu barədə "Report"a Fövqəladə Hallar Nazirliyindən məlumat verilib.

Bildirilib ki, Nüvə və Radioloji Fəaliyyətin Tənzimlənməsi üzrə Dövlət Agentliyinin apardığı yoxlamalar zamanı heç bir radioaktiv material və çirklənmə aşkar edilməyib.

Qeyd edək ki, beynəlxalq tədbirə 70 ölkənin 140 ali təhsil müəssisəsini təmsil edən komandalar qatılıb.