FİFA: Klublar yay transfer pəncərəsində rekord məbləğdə pul xərcləyiblər

Cari ilin yay transfer pəncərəsində klublar rekord məbləğdə pul xərcləyib.

"Report" xəbər verir ki, bu barədə FİFA məlumat yayıb.

Yay transfer pəncərəsi iyunun 1-dən sentyabrın 2-dək, o cümlədən ABŞ-də keçiriləcək Klublararası Dünya Çempionatı ilə əlaqədar iyunun 1-dən 10-a kimi xüsusi müddət də açıq olub.

Bu müddət ərzində kişilərin peşəkar futbolunda 12 000-dən bir qədər az beynəlxalq transfer həyata keçirilib ki, bu da yeni rekorddur.

Klubların transfer xərcləri 9,76 milyard dollara yüksəlib ki, bu da rekord göstəricidir. Cari rəqəmlər 2024-cü ilin eyni dövrünün məbləğlərini 50 %-dən çox üstələyib.

İngiltərə klublarının 3 milyard dollardan çox pul xərclədiyi qeyd edilir. Bu, milli assosiasiyalar arasında bütün zamanların rekordudur.