Premyer Liqa: XII tura 2 oyunla yekun vurulacaq

Misli Premyer Liqasında bu gün XII tura yekun vurulacaq.

"Report" xəbər verir ki, turun son günündə 2 qarşılaşma baş tutacaq.

"Sabah" evdə "Şamaxı"nı qəbul edəcək. "Sabah" hazırda 21 xalla turnir cədvəlinin 4-cü pilləsindədir. 13 xala malik bölgə təmsilçisi isə səkkizincidir.

Turun son görüşü "Palms Sport Arena"da keçiriləcək. "Neftçi" evdə "İmişli" ilə üz-üzə gələcək. 15 xala malik paytaxt təmsilçisi turnir cədvəlinin 7-ci pilləsindədir. "İmişli" isə 12 xalla 9-cu yerdədir.

Misli Premyer Liqası

II dövrə, XII tur

23 noyabr

15:00. "Sabah" - "Şamaxı"

Hakimlər: Kamranbəy Rəhimov, Zeynal Zeynalov, Eyyub İbrahimov, Əkbər Əhmədov.

VAR: Əli Əliyev.

AVAR: Teymur Teymurov.

Hakim-inspektor: Vüsal Əliyev.

AFFA nümayəndəsi: Anar Şıxəliyev.

"Bank Respublika Arena"

17:30. "Neftçi" - "İmişli"

Hakimlər: Cavid Cəlilov, Kamran Bayramov, Müslüm Əliyev, İslam Məmmədov.

VAR: Tural Qurbanov.

AVAR: Asiman Əzizli.

Hakim-inspektor: İmanxan Sultani.

AFFA nümayəndəsi: Elgiz Abbasov.

"Palms Sport Arena"

Qeyd edək ki, turun daha öncə keçirilən görüşlərində "Kəpəz" "Karvan-Yevlax"ı (2:1), "Qarabağ" "Sumqayıt"ı (4:2), "Zirə" "Qəbələ"ni (1:0) məğlub edib. "Araz-Naxçıvan" - "Turan Tovuz" görüşü isə heç-heçə nəticələnib - 1:1.