DÇ-2022: İngiltərə millisinin oyunundan öncə stadionun işıqları sönüb

San Marino və İngiltərə yığmaları arasında keçiriləcək 2022-ci il dünya çempionatının seçmə oyunundan öncə xoşagəlməz hadisə baş verib.

"Report"un "Sky Sports"a istinadən məlumatına görə, start fitinə bir neçə saat qalmış matçın oynanılacağı "Olimpiko" stadionuna elektrik enerjisinin verilməsi ilə bağlı problem yaranıb.

Arenada olanlar güclü partlayış səsi eşidiblər. Bundan sonra isə stadionun işıqları sönüb. Əvvəlcə qarşılaşmanın təxirə salınacağı gözlənilsə də, tezliklə elektrik enerjinin verilməsi bərpa olunub.

Qeyd edək ki, görüş Bakı vaxtı ilə saat 23:45-də start götürəcək.