Azərbaycan Kuboku: II təsnifat mərhələsinə vəsiqə qazanan dörd komanda bəlli olub

Futbol üzrə Azərbaycan Kubokunda II təsnifat mərhələsinə vəsiqə qazanan dörd komanda bəlli olub.

"Report"un məlumatına görə, bu, turnirin I təsnifat mərhələsinin bu gün keçirilən oyunlarından sonra müəyyənləşib.

"Ağstafa Gəncləri" "Şirvan"ı (1:0), "Qaradağ Lökbatan" "Ağdaş"ı (8:0) "Sheki City" "Araz-Saatlı"nı (3:2), "Dinamo" isə əlavə vaxtda "Kür-Araz"ı (3:2) məğlub edib.

Qeyd edək ki, I təsnifat mərhələsinin digər matçları oktyabrın 10-da baş tutacaq.