"Qarabağ"ın legioneri zədələndi, protokolda dəyişiklik edildi

"Qarabağ" Azərbaycan Premyer Liqasının VIII turunda "Keşlə" ilə ev matçının protokolunda son anda dəyişiklik etməli olub.
"Report"un məlumatına görə, Peşəkar Futbol Liqasının (PFL) rəsmi saytında start heyətdə Xayme Romeronun adı göstərilib, lakin onun yerinə meydana Patrik Andrade daxil olub.
PFL-in Mətbuat və İctimaiyyətlə Əlaqələr Departamentinin rəhbəri Aslan Şahgəldiyev bildirib ki, Romero zədələndiyi üçün oyuna çıxa bilməyib və "11-lik"də Andrade yer alıb.
Onun sözlərinə görə, yerdəyişmə rəsmi protokolda var və PFL-in saytında sonradan edilib.
Qeyd edək ki, hazırda ikinci hissə oynanılır və "Qarabağ" 3:1 hesabı ilə öndədir