Premyer Liqa: "Qarabağ" "Kəpəz"lə, "Turan Tovuz" "Sumqayıt"la üz-üzə gələcək

Misli Premyer Liqasında VII turun daha iki oyunu bu gün keçiriləcək.

"Report"un məlumatına görə, günün ilk matçında "Kəpəz" "Qarabağ"ın qonağı olacaq.

Qarşılaşma saat 17:00-da start götürəcək. Rəqiblərindən bir görüş az keçirən Ağdam klubu 10 xalla 5-ci pillədə qərarlaşıb. Altı oyunun hamısında məğlub olan Gəncə təmsilçisi 12-ci sıradadır.

Günün ikinci matçında "Turan Tovuz" səfərdə "Sumqayıt"la üz-üzə gələcək. Qarşılaşma saat 19:30-da başlayacaq. Meydan sahibləri 11 xalla 4-cü, qonaqlar 12 xalla 3-cüdür.

Misli Premyer Liqası

I dövrə, VII tur

4 oktyabr

17:00. "Qarabağ" – "Kəpəz"

Hakimlər: Nicat İsmayıllı, Rahil Ramazanov, Kərim Zeynalov, Vüqar Həsənli.

VAR: Əli Əliyev.

AVAR: Rəşad Əhmədov.

Hakim-inspektor: Babək Quliyev.

AFFA nümayəndəsi: Asif Əliyev.

"Azərsun Arena"

19:30. "Sumqayıt" – "Turan Tovuz"

Hakimlər: Fərid Hacıyev, Rəhman İmami, Şirmamed Mamedov, Əkbər Əhmədov.

VAR: Rəvan Həmzəzadə.

AVAR: Akif Əmirəli.

Hakim-inspektor: Munis Abdullayev.

AFFA nümayəndəsi: Seymur Səlimli.

Mehdi Hüseynzadə adına Sumqayıt şəhər stadionu

Qeyd edək ki, VII tura oktyabrın 5-də yekun vurulacaq. Ötən gün "Araz-Naxçıvan" "İmişli"ni iki cavabsız qolla üstələyib. "Zirə" - "Neftçi" oyununda isə qalib müəyyənləşməyib - 2:2.