"Olimpiakos"un futbolçusu: "Bütün problemlərə rəğmən qələbə qazandıq"

"Çətin həftə idi. Mən avrokuboklara qayıtdığımız üçün çox xoşbəxtəm. Bütün problemlərə baxmayaraq qələbə qazandıq".

"Report"un məlumatına görə, bu fikirləri Yunanıstanın "Olimpiakos" klubunun futbolçusu Pyer Kunde Bakıda "Neftçi"ni 1:0 hesabı ilə məğlub etdikləri UEFA Çempionlar Liqasının cavab matçından sonra deyib.

26 yaşlı yarımmüdafiəçi qitənin bir nömrəli klub turnirində qrup mərhələsinə vəsiqə qazanmaq istədiklərini bildirib: "Tam formada olmaq üçün çox çalışıram. Çətinliklərin əhəmiyyəti yoxdur. Biz güclü komandayıq".

Qeyd edək ki, "Neftçi" Afinadakı ilk matçda da rəqibinə 0:1 hesabı ilə uduzub.