"Makkabi" "Neftçi" ilə oyundan əvvəl zədəli futbolçuların durumunu açıqlayıb

İsrailin "Makkabi" (Hayfa) klubu "Neftçi"yə qarşı keçirəcəyi Konfrans Liqasının pley-off mərhələsinin ilk oyunundan əvvəl zədəli futbolçuların durumunu açıqlayıb.

"Report" Hayfa təmsilçisinin rəsmi saytına istinadən xəbər verir ki, kapitan Neta Lavi və Boqdan Planiç zədəsini tam sağaldıb və komanda ilə məşqlərə qoşulub.

Müdafiəçi Ofri Aradın həftə ərzində kollektivlə birlikdə hazırlıq prosesinə qatılacağı ehtimal olunur. Hücumçu Qodsvey Donyoh isə fərqdi məşqlərə start verib. Qanalı forvardın həftənin əvvəlində tam sıraya dönəcəyi gözlənilir.

Qeyd edək ki, avqustun 19-da keçiriləcək "Neftçi" - "Makkabi" matçı saat 21:00-da başlayacaq. Komandalar arasındakı cavab oyunu bir həftə sonra olacaq.