Azərbaycan gübrə və azot birləşmələri istehsalını cüzi artırıb

Bu ilin yanvar-oktyabr aylarında Azərbaycanda 534 min ton gübrə və azot birləşmələri istehsal edilib.

"Report" Dövlət Statistika Komitəsinə istinadən xəbər verir ki, bu, 2024-cü ilin eyni dövrü ilə müqayisədə 0,4 % çoxdur.

Bu il noyabr ayının 1-nə, ölkədə 52,6 min ton hazır məhsul ehtiyatı olub.

2024-cü ildə Azərbaycanda 652,4 min ton gübrə və azot birləşmələri istehsal edilib ki, bu da 2023-cü illə müqayisədə 43,8 % çoxdur.