Türkiyədə iki yük maşını toqquşub, ölənlər və yaralananlar var

Türkiyənin Hakkari vilayətində ağır yol qəzası baş verib.

"Report" "Habertürk"ə istinadən xəbər verir ki, Hakkari- Van yolunda iki yük maşınının toqquşması nəticəsində dörd nəfər ölüb, iki nəfər yaralanıb. 

Hadisə yerinə polis və təcili tibbi yardım əməkdaşları cəlb olunub. 

Xəsarət alanlar xəstəxanaya yerləşdiriliblər. 

Qəza ilə bağlı araşdırma başladılıb.