Rusiyada daha 12 953 nəfərdə koronavirus aşkarlanıb

Rusiyada son bir gündə daha 12 953 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 4 151 984 nəfərə çatıb. Ölkədə virusdan ölənlərin sayı isə daha 480 nəfər artaraq 82 876-ya yüksəlib.

Bundan başqa, Rusiyada indiyədək koronavirusa yoluxan 3 697 433 nəfər sağalıb.