Kirmanşahda atışma baş verib, iki SEPAH hərbçisi öldürülüb

İranın Kirmanşah vilayətinin Pavə şəhərində baş verən atışmada İslam İnqilabı Keşikçiləri Korpusunun (SEPAH) iki hərbçisi həlak olub.

"Report" xəbər verir ki, SEPAH-ın bu barədə bəyanatını IRIB yayıb.

Bildirilib ki, gecə saatlarında həyata keçirilən hücumda iki hərbçi ölüb, daha iki nəfər isə yaralanıb. Korpus atışmanı terror hücumu kimi dəyərləndirib.

Hadisənin dəqiq təfərrüatları bəlli deyil.