Qazaxıstandan Azərbaycan vasitəsilə tədarük olunan taxılın Ermənistana çatacağı vaxt açıqlanıb

Ermənistanın iqtisadiyyat naziri Gevorq Papoyan bildirib ki, Qazaxıstan buğdası yaxın günlərdə Azərbaycan vasitəsilə ölkəyə gələcək.

"Report"un məlumatına görə, bu barədə nazir özünün "Facebook" səhifəsində paylaşım edib.

"Qazaxıstan mənşəli taxıl yoldadır və yaxın günlərdə Azərbaycan ərazisindən keçərək Ermənistana çatacaq", – deyə G. Papoyan qeyd edib.

O bildirib ki, hazırda Rusiya taxılının bir hissəsi də Azərbaycan ərazisindən Ermənistana daşınır.