İşçi Qrupun rəhbəri: “Sonuncu itkinin taleyi aydınlaşana kimi işlər davam etdiriləcək”

“Azərbaycan beynəlxalq hüquqla bağlı üzərinə düşən öhdəliklərə daim əməl edib”.

“Report”un xəbərinə görə, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi Qrupunun rəhbəri İsmayıl Axundov deyib.

Onun sözlərinə görə, hazırda 3 807 azərbaycan vətəndaşı BQXK-də qeydiyyata alınıb:

“İtkin düşmüş şəxslərdən bioloji nümunələrin götürülməsi işləri davam etdirilir. Sonuncu itkinin taleyi aydınlaşana kimi işlər davam etdiriləcək”.