Beynəlxalq səyahətçilər Tərtər rayonunun Talış kəndində olublar

Azərbaycanın işğaldan azad edilmiş ərazilərində dördgünlük səfərdə olan tanınmış səyahətçilər Tərtər rayonunun Talış kəndinə baş çəkiblər.

“Report” xəbər verir ki, qonaqlar Azərbaycanın bərpa etdiyi, ilk sakinlərin artıq qayıtdığı kəndlə tanış olublar.

Xatırladaq ki, beynəlxalq səyahətçilərin Qarabağa və Şərqi Zəngəzura dördgünlük səfəri bu gün başlayıb. Onlar 4 gün ərzində Ağdam-Tərtər-Kəlbəcər-Laçın-Qubadlı-Zəngilan-Cəbrayıl-Füzuli-Xocavənd-Şuşa avtomobil yolunun marşrutu üzrə hərəkət edəcəklər.

Səfər dünyaca məşhur MTP (“Most Traveled People”) təşkilatı tərəfindən təşkil olunub.