Azərbaycanda xarici avtomobillərə sərhəd sığorta müqaviləsinin verilməsi qaydalarında dəyişiklik edilir

2025-ci ilin oktyabr ayından Azərbaycan hüdudlarından kənarda qeydiyyatda olan və "Yaşıl Kart" beynəlxalq avtomobil sığortası şəhadətnaməsi olmayan avtonəqliyyat vasitələri sahibləri üçün sərhəd buraxılış məntəqələrində sığorta müqaviləsinin verilməsi proseduru dayandırılacaq.

"Report"un Belarus Nəqliyyat Nazirliyinə istinadən verdiyi məlumata görə, "Yaşıl kart" beynəlxalq Avtomobil sığortası olmayan nəqliyyat vasitələrinin sahibləri əvvəlcədən www.tpl.az rəsmi onlayn platforması vasitəsilə və ya ölkə ərazisində fəaliyyət göstərən sığorta şirkətlərinə müraciət etməklə sərhəd sığortasını əldə edə biləcəklər.