“Bakı Teleqrafı”na yeni sədr seçiləcək

Mayın 23-də, saat 11:00-da “Bakı Teleqrafı” ASC-nin səhmdarlarının növbəti ümumi yığıncağı keçiriləcək.

“Report” xəbər verir ki, yığıncaq səhmdar cəmiyyətinin Bakı şəhəri, Səbail rayonu, Üzeyr Hacıbəyov küçəsi, 36 ünvanında (Rəqəmsal İnkişaf və Nəqliyyat Nazirliyinə məxsus “Azərpoçt” MMC-nin inzibati binasında) olacaq.

Yığıncağın gündəliyinə şirkətin 2024-cü il üzrə maliyyə-təsərrüfat fəaliyyətinin hesabatının təsdiq edilməsi, İdarə Heyətinin üzvlərinin və sədrinin seçilməsi daxildir.

Xatırladaq ki, “Bakı Teleqrafı” 2001-ci ildə dövlət qeydiyyatına alınıb. Onun nizamnamə kapitalı 821 min manatdır.