Gürcüstanda həbsdə olan Azərbaycan vətəndaşlarının sayı açıqlanıb

Hazırda Gürcüstan həbsxanalarında 104 Azərbaycan vətəndaşı saxlanılır. 

“Report”un yerli bürosu xəbər verir ki, bu göstərici ölkənin Milli Statistika İdarəsinin iyul ayı üzrə hesabatında əks olunub.

Aylıq müqayisədə qonşu ölkədə həbs cəzasına məhkum olunan Azərbaycan vətəndaşlarının sayı 1 nəfər artıb.

Qonşu ölkədə ittiham olunan Azərbaycan vətəndaşlarının sayı 6-sı kişi, 4-ü qadın olmaqla 10 nəfər təşkil edir. Məhkumların sayı isə 94 nəfərdir. Onların 85-i kişi, 9-u isə qadındır.

Gürcüstanda 29 Azərbaycan vətəndaşı probasiya nəzarətində saxlanılır. Həmin şəxslərin 28-i kişi, 1-i qadındır.