UEFA iki Avropa çempionatını ləğv etdi

UEFA İcraiyyə Komitəsi 19 yaşadək qadınlar və kişilər arasında 2021-ci il Avropa çempionatları barədə qərar qəbul edib.

"Report" qurumun rəsmi saytına istinadən xəbər verir ki, hər iki turnir ləğv olunub.

Bu addım koronavirus pandemiyası dövründə ölkələr arasında səyahət məhdudiyyətləri səbəbindən, həmçinin yoluxmanın qarşısını almaq məqsədilə atılıb.

Bildirilib ki, hazırkı məqamda gənc futbolçuların sağlamlığı daha vacibdir.