Robert Levandovski: "Fantastik hisslər keçirirəm"

Futbol

17 dekabr, 2020
20:42

Robert Levandovski: Fantastik hisslər keçirirəm

Almaniyanın "Bavariya" klubunun hücumçusu FIFA versiyası üzrə ilin ən yaxşı futbolçusu seçilməsini şərh edib.

"Report"un məlumatına görə, polşalı forvard "The Best" mükafatını qazanması ilə əlaqədar fantastik hisslər keçirdiyini bildirib.

"Açığı, çox qürurlu və xoşbəxtəm. Bu, özüm, komanda yoldaşlarım və klubum üçün böyük gündür. Belə bir nailiyyət təkcə mənə deyil, həmklublarıma, baş məşqçimizə və bütün "Bavariya"ya məxsusdur. Qəribə hisslərdir" deyə o vurğulayıb.

Qeyd edək ki, Robert Levandovski İtaliya "Yuventus"undan Kriştianu Ronaldu və İspaniya "Barselona"sından Lionel Messini üstələyib. "The Best" mükafatı "France Football" nəşrinin təqdim etdiyi "Qızıl top"dan fərqlənir. Bu il jurnal ən yaxşı futbolçunu seçməməyi qərara alıb.

FIFA ФИФА robert Levandovski Роберт Левандовски The Best FIFA