Premyer Liqa: "Qəbələ" turun son oyununda "Araz-Naxçıvan"ı məğlub edib

Misli Premyer Liqasında XIII tura yekun vurulub.

"Report"un məlumatına görə, günün ikinci oyununda "Qəbələ" "Araz-Naxçıvan"ı qəbul edib.

Qarşılaşma meydan sahiblərinin qalibiyyəti ilə yekunlaşıb - 2:1.

"Qırmızı-qaralar"ın heyətində 15-ci dəqiqədə Prins Ovusu, 59-cu dəqiqədə Adriel Ba Loua fərqləniblər. Qonaqların heyətində 39-cu dəqiqədə Bəxtiyar Həsənalızadə adını tabloya yazdırıb.

Bu nəticədən sonra xallarının sayını 8-ə çatdıran "Qəbələ" 10-cu pilləyə yüksəlib. Naxçıvan klubu 20 xalla 6-cıdır.

Günün ilk matçında "Sumqayıt" səfərdə "Şamaxı"nı üstələyib - 2:1.

Qeyd edək ki, XIII turda "Zirə" "Kəpəz"i (2:0), "Sabah" "İmişli"ni (3:0), "Qarabağ" "Karvan-Yevlax"ı (2:0) məğlub edib. "Turan-Tovuz" - "Neftçi" oyununda hesab açılmayıb.