"Mançester Siti" "Liverpul"un uğurunu təkrarladı

İngiltərənin "Mançester Siti" klubu Liqa Kubokunda ardıcıl dördüncü dəfə finala yüksələn ikinci komanda olub.

"Report" xəbər verir ki, "şəhərlilər" yarımfinalda "Mançester Yunayted"i 2:0 hesabı ilə məğlub etməklə bunu bacarıb.

1981 - 1984-cü illərdə "Liverpul" eyni turnirin finalında oynayıb.

Qeyd edək ki, "Mançester Siti" aprelin 25-də həlledici matçda "Tottenhem"lə üz-üzə gələcək.