La Liqa prezidentinin istefaya göndərilməsi tələb olunur

İspaniya La Liqasının prezidenti Xavyer Tebas vəzifəsindən kənarlaşdırıla bilər.

"Report" AS nəşrinə istinadən xəbər verir ki, İspaniya Futbol Federasiyası bununla bağlı Ali İdman Şurasına məktub göndərib.

Qurum maraqların toqquşması və ədalətli rəqabət prinsipinin pozulması səbəbindən 59 yaşlı funksionerin istefaya göndərilməsini tələb edib.

Sənəddə La Liqa prezidentinin İspaniyanın 2 klubu ilə gizli əlaqəsi olduğu bildirilib.

Qeyd edək ki, ötən il də sözügedən ittihamla bağlı Xavyer Tebası vəzifəsindən kənarlaşdırma cəhdləri olmuş, lakin alınmamışdı.