Erlinq Holann "Real Madrid"ə üstünlük verdi

Almaniyanın "Borussiya" (Dortmund) komandasının futbolçusu Erlinq Holann seçimini İspaniya "Real Madrid"inin lehinə edib.

"Report"un AS nəşrinə istinadən məlumatına görə, hazırda "kral klubu" "sarı-qaralar"ı norveçli hücumçunu buraxması üçün dilə tutur. "Borussiya"nın idman direktoru Mixael Tsork isə onun satılmasını istəmir.

Holannın agenti və atası bu həftə bir neçə klubla danışıqlar aparıb. Bunlar "Real Madrid"lə yanaşı, İspaniya "Barselona"sı, İngiltərənin "Çelsi", "Liverpul", "Mançester Yunayted" və "Mançester Siti" komandaları olub.

Qeyd edək ki, Erlinq Holann Dortmund "Borussiya"sına 2020-ci ilin yanvarında keçib. Onun hazırkı müqaviləsi 2024-cü ilin yayınadəkdir. 20 yaşlı forvard bu komandada 49 oyuna 49 qol vurub.