"Bavariya"nın ev oyunlarına 25 min azarkeş qatıla biləcək

2021/2022 mövsümündə Almaniyanın "Bavariya" klubunun ev oyunlarında iştirak edə biləcək azarkeşlərin sayı açıqlanıb.

"Report" Münhen təmsilçisinin rəsmi saytına istinadən xəbər verir ki, ölkə çempionu matçlarda 25 min fanat qəbul edəcək.

Almaniya hökuməti koronavirus pandemiyası səbəbindən futbol stadionlarında tribunaların yarısının doldurula biləcəyi ilə bağlı qərar qəbul edib. Lakin bu, 25 mindən çox olmamalıdır.