"Arsenal" Bukayo Saka ilə müqavilənin müddətini uzadıb

İngiltərə təmsilçisi "Arsenal" hücumameyilli yarımmüdafiəçisi Bukayo Saka ilə müqavilənin müddətini uzadıb.

"Report" xəbər verir ki, bu barədə klubun mətbuat xidməti məlumat yayıb.

24 yaşlı futbolçunun yeni sözləşməsi 2031-ci ilə qədər nəzərdə tutulub.

Qeyd edək ki, Saka "Arsenal"ın yetirməsidir. O, cari mövsüm "topçular"ın heyətində 34 oyunda meydana çıxıb, 8 qol vurub və 7 məhsuldar ötürmə edib. Ümumilikdə Saka "Arsenal"da 297 oyunda forma geyinib, 78 qola imza atıb və 78 assist edib.