AFFA-da Yüksək Qızlar Liqasında iştirak üçün müraciət etmiş klubların sənədlərinə baxılıb

AFFA-nın Lisenziya Komissiyasının iclası keçirilib. 

"Report" xəbər verir ki, iclasda 2025/2026-ci illər mövsümündə AFFA Yüksək Qızlar Liqasında iştirak etmək üçün müraciət etmiş klubların sənədlərinə baxılıb.

AFFA-nın Lisenziya Komissiyası Azərbaycan futbol klublarının lisenziyalaşdırılması üzrə qaydaların (Buraxılış 2024) 9-cu maddəsinə əsaslanmış müzakirələrdən sonra aşağıda adları sadalanan klublara AFFA Yüksək Qızlar Liqasında iştirak etmək üçün lisenziyanın verilməsi qərarını qəbul edib:

"Liman", "Sabah", "Şəfa", "Təhsil 8", "Ümid" , "Zaqatala".

Bununla da 2025/2026-cı illər mövsümündə Yüksək Qızlar Liqası yarışlarında çıxış edəcək klubların sayı 12 olaraq tamamlanıb.

1. "Araz-Naxçıvan'

2. "Baku Juniors"

3. "Dirçəliş"

4. "Liman"

5. "Neftçi"

6. "Qəbələ"

7. "Sabah"

8. "Sumqayıt"

9. "Şəfa"

10. "Təhsil 8"

11. "Ümid"

12. "Zaqatala"