"Grand Swiss" turnirində iştirak edəcək Azərbaycan şahmatçıları bəlli olub

Beynəlxalq Şahmat Federasiyası (FIDE) "Grand Swiss 2021" turnirinin iştirakçılarının adlarını açıqlayıb.

"Report"un məlumatına görə, siyahıda Azərbaycanın 6 şahmatçısı var. Onların 5-i kişi, 1-i qadın qrossmeysterdir.

Kişilərin mübarizəsində Şəhriyar Məmmədyarov, Qədir Hüseynov, Rauf Məmmədov, Nicat Abbasov və Vasif Durarbəyli qüvvəsini sınayacaq. Azərbaycanın turnirdəki yeganə qadın şahmatçısı isə Günay Məmmədzadədir.

Qeyd edək ki, "Grand Swiss" turniri 25 oktyabr - 8 noyabrda Latviyanın paytaxtı Riqadakı "Hanzas Perons" Mədəniyyət Mərkəzində keçiriləcək.