Gürcüstan Azərbaycandan qaz idxalını 18 % azaldıb

Bu ilin yanvar-sentyabr aylarında Gürcüstan Azərbaycandan 138,4 milyon ABŞ dolları dəyərində 940,6 min kubmetr təbii qaz tədarük edib.

“Report”un Gürcüstan bürosu xəbər verir ki, bu barədə ölkənin Milli Statistika İdarəsindən bildirilib.

Məlumata əsasən, bu, illik müqayisədə 18 % azdır.

9 ay ərzində qonşu ölkə Azərbaycandan ümumi dəyəri 97,6 milyon ABŞ dolları olan 181 min ton neft və neft yağları da idxal edib ki, bu da ötən ilin eyni gəstiricisindən 13 % çoxdur.