Seysmoloji Xidmət Mərkəzinin əməkdaşı vəfat edib

Texnika elmləri doktoru, akademik, Respublika Seysmoloji Xidmət Mərkəzinin əməkdaşı Telman Xurşud oğlu Əliyev 80 yaşında dünyasını dəyişib.

Bu barədə "Report"a professorun yaxınları məlumat verib.

Bildirilib ki, T.Əliyev ötən gün qəfil vəfat edib: "Təzyiqdən əziyyət çəkirdi. Dünən qəfildən təzyiqi aşağı düşdü və qaldıra bilmədik".

T.Əliyev Ukrayna İnşaat Akademiyasının akademiki (2000), Beynəlxalq Ekoenergetika Akademiyasının elmlər doktoru (1996), Lütfi Zadə adına Beynəlxalq Müasir Elmlər Akademiyasının akademiki (2008) idi.

Mərhum Memarlıq və İnşaat Universitetinin İnşaat mexanikası kafedrasının professoru olub.

Allah rəhmət eləsin!

Telman Əliyev