Vüqar Gülməmmədov: Parlament nəzarəti altında olan ekoloji qanun layihələrinin sayı 50-ni keçib

Son beş il ərzində parlamentlər tərəfindən nəzarət edilən ekoloji qanun layihələrinin sayı əhəmiyyətli dərəcədə artıb və 50-ni keçib.

"Report"un məlumatına görə, bunu Azərbaycan Hesablama Palatasının sədri Vüqar Gülməmmədov "Bakıda İqlim Fəaliyyəti Həftəsi"ndə bildirib.

"Təcrübə göstərir ki, bir çox ölkələrdə ekoloji təşəbbüslər parlament nəzarətindən keçir ki, bu da fəaliyyət nəticələrini qiymətləndirməyə imkan verir və bu sahədəki işlərə əlavə əhəmiyyət qazandırır. Son beş il ərzində parlamentlər tərəfindən nəzarət edilən ekoloji qanun layihələrinin sayı əhəmiyyətli dərəcədə artıb - təxmini məlumatlara görə, onların sayı 50-ni keçib. Belə nəzarət nəinki konkret tədbirlərin səmərəliliyini izləməyə, həm də davamlı inkişafı təmin edən standartlar formalaşdırmağa imkan verir", - deyə o bildirib.

O qeyd edib ki, hökumətlər iqlim dəyişikliyi problemlərinə və onun nəticələrinə böyük əhəmiyyət verirlər, həmçinin bunların yumşaldılması üçün tədbirlər görürlər.

"Dövlət resurslarının fəallığı, şəhərlərin bu prosesə cəlb olunması və parlament nəzarəti də daxil olmaqla, milli hökumətin ardıcıl işləməsi vacibdir", - deyə V.Gülməmmədov əlavə edib.