Vens: Azərbaycan sülhməramlıları Əfqanıstanı sonuncu tərk edənlərdən biri olub

Azərbaycan sülhməramlıları Əfqanıstanı sonuncu tərk edən sülhməramlılardan biri olub.

"Report"un məlumatına görə, bunu ABŞ-nin Vitse-prezidenti Ceyms Devid Vens Bakıda Azərbaycan Prezidenti İlham Əliyevlə birgə bəyanatla çıxış edərkən bildirib.

Vens vurğulayıb ki, Bakı terrorla qlobal mübarizədə əhəmiyyətli dəstək göstərib.

"Bir çox amerikalıya Azərbaycan hərbçilərinin Əfqanıstanı sonuncu olaraq tərk edənlərdən biri olduğu məlum olmaya bilər. Onlar terrorizmə qarşı qlobal müharibədə böyük dəstək göstəriblər. Onlar Əfqanıstanda ABŞ dəniz piyadaları ilə çiyin-çiyinə vuruşub, ən dözümlü və döyüş qabiliyyətli bölmələrdən biri kimi ad qazanıblar", - o vurğulayıb.