Suriyada avtobusun partladılması nəticəsində 5 nəfər ölüb - YENİLƏNİB

Suriyada avtobusun partladılması nəticəsində 5 nəfər həlak olub, 13 nəfər yaralanıb.

Bu barədə "Report" "Əl-Ərəbiyyə" telekanalına istinadən məlumat verib.

Əvvəl yayılan xəbərlərdə bildirilirdi ki, avtobus Suriyanın Deyr əz-Zor əyalətində neft obyektlərindən birinin mühafizəsini daşıyırdı.

Hadisəyə görə hələ heç kim məsuliyyəti öz üzərinə götürməyib.

12:56

Suriyada avtobusun partladılması nəticəsində bir neçə nəfər ölüb və yaralanıb.

"Report" "Reuters" agentliyinə istinadən xəbər verir ki, bu barədə "Əl-İxbariyə" dövlət telekanalı məlumat yayıb.

Bildirilib ki, avtobus Suriyanın Deyr əz-Zor vilayətində neft obyektlərindən birinin mühafizəçilərini daşıyırdı.

Sərnişinlərin və ölənlərin dəqiq sayı məlum deyil. Hücuma görə məsuliyyəti hələ heç kim öz üzərinə götürməyib.