Qəzzada ölən İsrail hərbçilərinin sayı 185-ə çatıb - YENİLƏNİB

Son sutkada Qəzzada baş verən döyüşlərdə İsrail Müdafiə Ordusunun 9 hərbçisi ölüb.

“Report” “newsru.co.il”ə istinadən xəbər verir ki, məlumatı İsrail Müdafiə Ordusunun mətbuat xidməti yayıb.

Bildirilib ki, bununla da Qəzza zolağında quru əməliyyatı zamanı ölən İsrail hərbçilərinin sayı 185-ə çatıb.

Qeyd edək ki, HƏMAS oktyabrın 7-də İsrailə hücum edib.

14:08

Qəzza zolağında quru əməliyyatı zamanı ölən İsrail hərbçilərinin sayı 180-ə çatıb.

“Report” xəbər verir ki, bu barədə İsrail KİV-i məlumat yayıb.

Bildirilib ki, İsrail Müdafiə Ordusu bu gün həlak olan 4 əsgərin adlarını açıqlayıb. Beləliklə, Qəzza zolağında quru əməliyyatı zamanı ölənlərin sayı 180 nəfərə çatıb.

Qeyd edilib ki, azı 7 hərbi qulluqçunun vəziyyəti ağırdır.