Marko Rubio Meksika və Ekvadora səfər edəcək

ABŞ Dövlət katibi Marko Rubio Meksika və Ekvadora səfər edəcək.

"Report" xəbər verir ki, bu barədə ABŞ Dövlət Departamentinin mətbuat katibinin müavini Tommi Piqott məlumat paylaşıb.

O bildirib ki, sözügedən səfər 2-4 sentyabr tarixləri aralığında gerçəkləşdiriləcək.

Səfər çərçivəsində Meksika və Ekvador rəsmiləri ilə kartellərin ləğvi üzrə qətiyyətli tədbirləin görülməsi, fentanil qaçaqmalçılığı və qeyri-qanuni miqrasiyanın qarşısının alınması, ticarət kəsirinin azaldılması, iqtisadi rifaha dəstək və bu qitədən olmayan zərərli oyunçulara qarşı mübarizə kimi məsələlərin müzakirə mövzusu olacağını qeyd edən Piqott Rubionun bu ziyarətinin ABŞ-nin "öz sərhədlərini qorumağa, narkotik və terrorizmlə bağlı təhdidlərin neytrallaşdırılmasına" sadiqliyini nümayiş etdirdiyini vurğulayıb.