Lavrov: “Genişləndirilmiş “üçlük” Əfqanıstanla bağlı konsultasiyalarda maraqlıdır”

Rusiyanın xarici işlər naziri Sergey Lavrov Budapeştdə macarıstanlı həmkarı ilə birgə mətbuat konfransı keçirib.

“Report” TASS-a istinadən xəbər verir ki, Lavrov Əfqanıstandakı hadisələrə də toxunub.

Onun sözlərinə görə, Rusiya Birləşmiş Millətlər Təşkilatının Təhlükəsizlik Şurasında (BMT TŞ) Əfqanıstan məsələsinin müzakirə edilməsinə hazırdır.

“Genişləndirilmiş “üçlüyün” (Rusiya, ABŞ, Çin və Pakistan nəzərdə tutulur – red.) bütün iştirakçıları Əfqanıstandakı vəziyyətin tənzimlənməsi ilə bağlı konsultasiyaların davam etməsində maraqlıdır”, - Lavrov söyləyib.