IDF "Hizbullah"ı maliyyələşdirən bankirin öldürüldüyünü təsdiqləyib

İsrail Müdafiə Qüvvələri (IDF) İrandan "Hizbullah" təşkilatına pul köçürmələri həyata keçirən Haytam Abdullah Bakrinin öldürüldüyünü təsdiqləyib.

“Report” xəbər verir ki, bu barədə IDF-nin mətbuat xidməti məlumat yayıb.

Hərbçilər bildiriblər ki, onun şirkəti İranın "Qüds" bölməsindən alınan vəsaitlərin saxlanılması və "Hizbullah" təşkilatı üçün köçürülməsi mexanizmidir.

"Bu vəsaitlər “Hizbullah” tərəfindən hərbi məqsədlər, yaraqlılara maaşların ödənilməsi, təşkilatın terror fəaliyyətinin davam etdirilməsinin maliyyələşdirilməsi və s. üçün istifadə olunur", - məlumatda qeyd olunub.