HƏMAS ABŞ və İsraili Qəzzadakı vəziyyəti gərginləşdirməkdə günahlandırıb

HƏMAS ABŞ Prezidenti Donald Trampın qruplaşmanın girovlardan canlı qalxan kimi isitifadə etməsinə dair bəyanatına cavab verib.

"Report" "Times of İsrael"ə istinadən xəbər verir ki, qruplaşma Trampın sözügedən açıqlamasını "aşkar tərəfkeşlik" kimi dəyərlədnirib.

"Tramp yaxşı bilir ki, Qəzza müharibəsini bitirə biləcək razılaşmaya nail olmaq imkanlarını məhv edən şəxs Baş nazir Binyamin Netanyahudur", - HƏMAS-ın açıqlamasında qeyd olunur.

HƏMAS əlavə edir ki, ABŞ və İsraili Qəzzadakı müharibənin gərginləşməsinə görə məsuliyyət daşıyan tərəflər hesab edir:

"HƏMAS-ın Qətərdəki danışıqlar heyətinə qarşı sui-qəsd cəhdi ilə Netanyahu hər hansı razılaşma şansını sabotaj etməyə çalışıb – bunu Vaşinqton da bilir".