Pentaqon qoşunların Suriyadan çıxarılmağa başlanmasını təsdiqləyib

Bakı. 19 dekabr. REPORT.AZ/ Birləşmiş Ştatlar hərbi kontingentinin Suriyadan çıxarılmasına qərar verib.

"Report" CNBC-ə istinadən xəbər verir ki, bu barədə ABŞ-ın Müdafiə Nazirliyinin mətbuat katibi Dana Uaytın bəyanatda deyilir.

O, qeyd edib ki, Suriyadan amerikalı hərbçilərin qayıtması prosesinə başlanılıb və kampaniyanın növbəti mərhələsi keçirilir.

Pentaqonda vurğulayıblar ki, koalisiya terrorçular tərəfindən işğal edilən ərazi azad edilib, lakin İŞİD-ə qarşı kampaniya bitməyib.

Nazirlik müttəfiqləri ilə mübarizəni davam etdirməyi vəd edib.

Daha əvvəl Ağ Evin mətbuat katibi Sara Sanders də bildirib ki, ABŞ qoşunlarını Suriyadan çıxarmağa başlayıb.