ABŞ-də toyda atışma nəticəsində bir nəfər ölüb - YENİLƏNİB

ABŞ-nin Nyu-Hempşir ştatının Naşua şəhərində naməlum silahlı atəş açıb, nəticədə bir nəfər ölüb, bir neçə nəfər yaralanıb.

"Report" xəbər verir ki, bu barədə WHDH telekanalı məlumat yayıb.

Məlumata görə, naməlum şəxs toy şənliyi zamanı "Sky Meadow Country Club"a girib və bir neçə dəfə atəş açıb. O, az sonra polis tərəfindən saxlanılıb.

08:57

ABŞ-nin Nyu-Hempşir ştatında silahlı şəxs toyun keçirildiyi kənd klubuna girərək insanlara atəş açıb.

"Report" xəbər verir ki, bu barədə "New York Post" məlumat yayıb.

Qeyd olunub ki, hadisə nəticəsində bir nəfər ölüb, bir neçə nəfər yaralanıb. Güllədən və atışmadan sonra yaranan xaosda xəsarət alan şəxslər xəstəxanaya yerləşdirilib.

İnsanlara atəş açan şəxs saxlanılıb, hazırda polis onun məqsədini və silahlının konkret olaraq kimisə hədəfə alıb-almadığını müəyyənləşdirir.